ޢަދާލަތު ޕާޓީގެ ބައެއް ދާއިރާތަކުގެ ރައީސުންގެ މަޤާމަށް ކުރިމަތިލުމަށް ހުޅުވާލާ އިންތިޚާބަށް އިޢުލާންކޮށްފި

ޢަދާލަތު ޕާޓީގެ ދުސްތޫރުގެ 28 ވަނަ މާއްދާގެ ދަށުން، ޕާޓީގެ ބައެއް ދާއިރާތަކުގެ ރައީސުން އިންތިޚާބުކުރުމަށްޓަކައި، އިންތިޚާބަށް އިޢުލާންކޮށް، ކުރިމަތިލުމަށް ހުޅުވާލައިފިއެވެ. އިންތިޚާބަށް ހުޅުވާލާފައިވަނީ އަންނަނިވި ދާއިރާތަކުންނެވެ.
• ވައިކަރަދޫ ދާއިރާ
• ކުޅުދުއްފުށީ އުތުރު ދާއިރާ
• ކުޅުދުއްފުށީ ދެކުނު ދާއިރާ
• މަކުނުދޫ ދާއިރާ
• އިނގުރައިދޫ ދާއިރާ
• ކާށިދޫ ދާއިރާ
• ކ. ގުރައިދޫ ދާއިރާ
• ފުވައްމުލަކު އުތުރު ދާއިރާ
• ފުވައްމުލަކު ދެކުނު ދާއިރާ
• ހިތަދޫ އުތުރު ދާއިރާ
• ހިތަދޫ ދެކުނު ދާއިރާ
• އައްޑޫ މީދޫ ދާއިރާ
ޢަދާލަތު ޕާޓީގެ ދުސްތޫރުގެ 28.7 ވަނަ މާއްދާގައިވާ ގޮތުން، ދާއިރާ ރައީސްކަމަށް ކުރިމަތިލާ ފަރާތްތަކުގައި އަންނަނިވި ޝަރުޠުތައް ފުރިހަމަ ވާންޖެހެއެވެ.
• މުސްލިމަކު ކަމުގައިވުން
• ސުންނަތް ޖަމާޢަތުގެ މީހަކު ކަމުގައިވުން
• ދިވެހި ރައްޔިތެއް ކަމުގައިވުން
• ބުއްދި ސަލާމަތުން ހުރި މީހަކު ކަމުގައިވުން
• ޕާޓީގެ މެންބަރެއް ކަމުގައިވުން
• ދީނުގައި ޙައްދެއް ކަނޑައެޅިފައިވާ ކުށެއް ކޮށްފައިވާކަން ޝަރީޢަތަށް ސާބިތުވެފައިވާނަމަ، ހުކުމް ތަންފީޒުކޮށްނިމުނުތާ 1 އަހަރުފުރިފައިވުން
ދާއިރާ ރައީސުންގެ މަޤާމަށް ކުރިމަތިލުމުގެ ފުރުޞަތު ޕާޓީގެ ހުރިހާ މެމްބަރުންނަށް ހުޅުވާލެވިފައިވަނީ 12 ނޮވެމްބަރ 2017 ވާ އާދީއްތަ ދުވަހުގެ މެންދުރު 3:00 ގެ ނިޔަލަށެވެ. އަދި ދާއިރާ ރައީސުންގެ އިންތިޚާބުގައި ވޯޓު ނެގުމަށް ހަމަޖެހިފައިވަނީ 2 ޑިސެމްބަރ 2017 ވާ ހޮނިހިރުދުވަހުގެ މެންދުރު 2:00 އިން ހަވީރު 5:00 އަށެވެ.