އިޢުލާން: ޢަދާލަތު ޕާޓީގެ ރިޔާސީ އިންތިޚާބުގައި ވޯޓުލުމުގެ ޙައްޤު ލިބިގެންވާ މީހުންގެ ލިސްޓު

ނަންބަރު: AP-IUL/2021/04

ޢަދާލަތު ޕާޓީގެ ދުސްތޫރުގެ 41.1 ވަނަ މާއްދާގެ (ށ) އަދި 41.3 ވަނަ މާއްދާގެ (ނ) ގެ 1 ވަނަ ނަންބަރުގެ ދަށުން، ޕާޓީގެ 3 ވަނަ ދައުރަށް ޕާޓީގެ ރައީސާއި ނައިބު ރައީސް ހޮވުމަށްޓަކައި 30 ޖަނަވަރީ 2021  ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ޢަދާލަތު ޕާޓީގެ ރިޔާސީ އިންތިޚާބުގެ ވޯޓުލުމުގެ ޙައްޤު ލިބިގެންވާ މީހުންގެ ލިސްޓު ޝާއިޢުކުރަމެވެ.

ލިސްޓު ޝާއިޢުކުރުން

ޢަދާލަތު ޕާޓީގެ ރިޔާސީ އިންތިޚާބުގައި ވޯޓުލުމުގެ ޙައްޤު ލިބިގެންވާ މީހުންގެ ލިސްޓުގައި ނަން ހިމެނިފައި ވޭތޯ ބެލުމައް ބޭނުންފުޅުވާ ފަރާތްތަކަށް vote.adhaalath.org.mv އިން ލިސްޓުގައި ނަން އިންތޯ ބެއްލެވޭނެއެވެ. އަދި މި ލިސްޓު ޕާޓީގެ އިދާރާގެ ނޯޓިސް ބޯޑުގައި އާންމުކޮށް ފެންނާނެހެން ޝާއިޢުކުރެވިފައިވާނެއެވެ.

ޝަކުވާ ހުށަހެޅުން

ވޯޓުލުމުގެ ޙައްޤު ލިބިގެންވާ މީހުންގެ ލިސްޓަށް ޝަކުވާ ހުށަހަޅުއްވަން ބޭނުންފުޅުވާ ފަރާތްތަކަށް، އޮންލައިކޮށް ޝަކުވާ ހުށަހެޅުމުގެ އިތުރުން ޝަކުވާ ހުށަހަޅާ ފޯމް، މެދުވެރިކޮށް ޝަކުވާ ހުށަހެޅުމުގެ ފުރުސަތު ލިބިގެންވެއެވެ. ޝަކުވާ ހުށަހެޅުމުގެ އެންމެ ފަހު ތާރީޚަކީ 20 ޖަނަވަރީ 2021 ގެ 14:00 އެވެ.

ފޯމް: http://bit.ly/ShakuvaForm

އިންތިޚާބުގައި ވޯޓުލުމުގެ ޙައްޤު ލިބިގެންވަނީ 13 ޖަނަވަރީ 2021 ވާ ބުދަ ދުވަހުގެ ނިޔަލަށް ޕާޓީގެ މެންބަރެއްގެ ގޮތުގައި ރަޖިސްޓްރާ ބަލައިގަނެފައިވާ، ޕާޓީގެ ކޮންމެ މެންބަރަކަށެވެ. އިންތިޚާބާއި ގުޅޭގޮތުން އެއްވެސް މަޢުލޫމާތެއް ސާފުކުރަން އެދޭނަމަ މި ޕާޓީގެ މައި އިދާރާގެ ނަންބަރު 3342671 އަށް ގުޅުއްވުން ނުވަތަ  admin@adhaalath.org.mvއަށް އީމެއިލް ކުރެއްވުން އެދެމެވެ.

1 جُمَادَىٰ ٱلْآخِرَة‎   1442

14 ޖެނުއަރީ 2021